പൂത്താങ്കീരികള്‍

കലപില കലപില മിണ്ടി

കൊക്കുകളുരുമ്മി,

തൂവലുകള്‍ തലോടി,

രണ്ടുപേര്‍

നിറവൈവിധ്യങ്ങളില്ല,

ആകാരസൌന്ദര്യമില്ല,

ശബ്ദസൌകുമാര്യവുമില്ല.

എന്നിട്ടും,

അവന് അവളേയും,

അവള്‍ക്ക് അവനേയും പ്രിയം.

എന്റെ നിന്റെ തര്‍ക്കങ്ങളില്ല,

അനുസരിപ്പിക്കലുകളില്ല,

അവഗണനകളുമില്ല.

പറഞ്ഞു തീരാത്ത പ്രണയവും,

പറന്നകലാത്ത സ്നേഹവും മാത്രം.

ജനാലയ്ക്കപ്പുറത്ത് മിണ്ടിക്കൊണ്ടേ

ഇരിപ്പുണ്ട് പൂത്താങ്കീരികള്‍ .

ആശുപത്രി

ആശുപത്രി,

വേദനകളുടെ ഇരുട്ടുമുറികളാണ്,

വേവലാതികളുടെ തീചുമരുകളാണ്,

മരണഗന്ധം പടര്‍ത്തുന്ന ജനാലകളാണ്,

കണ്ണുനീര്‍ ഒഴുകിപ്പരക്കുന്ന തടാകത്തറകളാണ്!!

ഒസ്യത്ത്

കാല്‍നൂറ്റാണ്ടിന്റ്റെ നുണയ്ക്കപ്പുറം,

തനിച്ചാണെന്ന നേര്.

നേരിലെയ്ക്കേത്തലാണു

ജീവിത ലക്ഷ്യമെങ്കില്‍

ഇനി മരിക്കാം.

എന്റേതായുള്ള ഏകസ്വത്ത്

പ്രാരാബ്ധപ്പാടുള്ള ശരീരം മാത്രം.

എങ്കിലും ഒസ്യത്തെഴുതണം.

തീയില്‍ വയ്ക്കരുത്,

പൊള്ളിക്കുമിളച്ചതാണ് പലകുറി.

കുഴിച്ചിടരുത്,

ചവുട്ടിതാഴ്ത്തപ്പെട്ടിട്ടുണ്ട് പലവട്ടം.

കീറിമുറിച്ച് പഠിച്ചോട്ടെ കുട്ടികള്‍,

പായിലിരിക്കാന്‍ പെണ്‍മക്കളില്ലല്ലോ?

തിരക്കാണ് ചങ്ങാതീ...

തിരക്കാണ് ചങ്ങാതീ...

നഷ്ടങ്ങള്‍ ഓര്‍ക്കുന്നതിന്റെ,

ഓര്‍മ്മകളെ മറക്കുന്നതിന്റെ,

മറവിയെ സ്നേഹിക്കുന്നതിന്റെ,

സ്നേഹത്തെ വെറുക്കുന്നതിന്റെ,

വെറുപ്പിനെ ഭയക്കുന്നതിന്റെ,

ചിന്തയില്‍ വേവുന്നതിന്റെ

തിരക്കാണല്ലോ ചങ്ങാതീ..

കരയുന്ന വീട്

P´y¤m ¥Pxkj¢l÷y pzU¡½x¯y, Ap¬..

dzn© pkxÇj¡I dU¡i¡l÷p¡i¡× pzU§..

¥PªËyky¯x©, Px»¡ ijµx©

ZyYêKn¡I, Z¢Y¡Kn¡i¡× pzU§..

KpyniªÀy Kkjx© i¨P¡iky©

K¡nyk¡× pzU§..

dU¡i¡l÷Ày© Z¡lpym¢¤U

K¢¼¡Kxk© elËKË¡,dyd¶yky¯x¤Z..

Ap¬ Zxmy¤eðxËy¤©÷ ZY¡eðKl÷y..

Zm pjܧKx¤dxk¡ exnI ¥ZUy..

pzUy¤©÷ KYêzª, P¡ik¡Kny«

iYêUk¡Knxj§, h¢eUixj§..

കാന്‍സര്‍

പങ്കാളി പടിയിറങ്ങിയപ്പോള്‍ ,

അവന്റെ സ്നേഹലാളനയാല്‍

വെണ്‍മയാര്‍ന്ന മുലയില്‍

കാന്‍സറിന്റെ കാളിമ.

വരാനിരിക്കുന്നു,

സങ്കടസന്ധ്യകള്‍ ,

ദുരിതതീരങ്ങള്‍ ..

മുലക്കണ്ണ് തിരഞ്ഞിറങ്ങീ,

അവന്റെ കൈവിരലുകളെ.

അവള്‍ക്കറിയാം-

ആ സ്പര്‍ശം മാന്ത്രികവടിയാണെന്ന്.

ചെത്തിക്കളഞ്ഞ മുല

പൊട്ടിക്കിളിര്‍ക്കുമെന്ന്.

കൊഴിഞ്ഞടര്‍ന്ന മുടിയിഴകള്‍

തളിര്‍ത്ത് നീളുമെന്നു.

പക്ഷേ,

അവനിപ്പോള്‍ കൈവിരലുകളില്ലല്ലോ!!

സായം സന്ധ്യ

ചാന്ദ്ര വിരഹങ്ങള്‍

സൂര്യ ഗര്‍ജ്ജനങ്ങള്‍

ഭൂമി സങ്കടങ്ങള്‍

പ്രകൃതി പിണക്കങ്ങള്‍

മനുഷ്യക്കണ്ണുനീര്‍

പകല്‍ കടലില്‍ ചാടി..

പകലിന്റെ മരണമാണ്

സന്ധ്യ..സായം സന്ധ്യ..